NLW MS. Peniarth 31 – page 24r
Llyfr Blegywryd
24r
idi a dyry. O|r treissir morỽyn hagen a dywedut o|r
treissỽr nat oed uorỽyn. tystolyaeth y vorỽyn e|hu+
nan a gredir yn|y erbyn am y morỽyndaỽt. Oyth*+
uet yỽ bugeil trefgord am y llỽdyn a lathont ysgry+
byl y tref yn|y ỽyd ac yn y warchadỽ. Naỽuet yỽ
lleidyr ỽrth y groc pan uo diheu gantaỽ y grogi.
credadỽy uyd heb greir ar y gytleidyr. ac am yr
hyn a duc yn lletrat. Y kytleidyr hagen ny byd cro+
gadỽy yr geireu y llall. namyn lleidyr gweith*.
Lleidyr am letrat kyssỽyn o|r palla reith gỽlat
idaỽ; dirỽyus uyd. Credadỽy uyd amodỽr yn|y
amot rỽng deu dyn a|e hadefho. Ac uelly rodaỽdyr
da am yr hyn a rodho. ac ỽrth hynny y dywedir
nyt oes rod onyt o uod. A rodaỽdyr gỽreic a|tyg+
ho yn|y mod y roder. Y neb a alwo tyston ac ny
allo y dỽyn rac ỽyneb; dygỽydet y dadyl. Oet
tyston gorwlat neu warant gorwlat; pytheỽ+
nos. Oet tyston neu warant tra mor; vn dyd a
blỽydyn. Pỽy bynhac a dechreuho dadyl ar·gy+
lus kytdrychaỽl paraỽt y ỽrtheb; A guedy hyn+
ny tewi ỽrthaỽ vn dyd a blỽydyn am yr vn da+
dyl honno; ny dylyir y warandaỽ rac llaỽ. o+
ny ffallỽys kyfreith idaỽ o uyỽn y ulỽydyn.
TAlaỽdyr ar ny thalo cỽbyl o|e dylyet; ef
| « p 23v | p 24v » |