NLW MS. Peniarth 32 (Y Llyfr Teg) – page 125
Llyfr Iorwerth
125
yr eidaỽ. a chymeret ef. O deruyd idaỽ ynteu
yn daly yr eidaỽ dyuot gỽercheitwat a|gỽrth+
ỽynebu idaỽ. Gouynnet ynteu pỽy a|werche+
idỽ hỽnn. Jaỽn yỽ y|r gỽercheitwat dywedut.
Mi heb ef a|e|gỽercheidỽ. Yna y mae iaỽn y|r
haỽlỽr dywedut. Cam yỽ ytti gỽarchadỽ y
meu i. ac yna y|r amdiffynnỽr dywedut. Kỽ+
byl wat nat oes dim o|r teu di gennyf|i. ac y ̷+
gyt ac nat oes. py beth a|th wahanaỽd di a|th
da. a phy amser y coỻeist. Sef achaỽs y mae
iaỽn gỽybot hynny. chwe fford yd a da dyn y
ganthaỽ. ac o|r teir onandunt y geỻir dam+
dỽg. ac o|r teir ereiỻ ny eỻir. Sef ynt y teir
ny eỻir. adneu. a ỻoc. a benffyc. neu gymỽy+
nas. kannyt iaỽn holi y ỻe y mae. a holi y
neb yd aeth attaỽ. Y teir ereiỻ yssyd iaỽn dam+
dỽg amdanadunt. vn yỽ o·nadunt ỻedrat.
a|r eil yỽ coỻet trỽy lesged. a|r trydyd yỽ aghy+
uarch. Sef achaỽs y geỻir eu damdỽng; ỽrth
na|s erbynnaỽd ỻaỽ araỻ o|e laỽ ynteu yr eidaỽ.
ỽrth hynny y dichaỽn ynteu damdỽg yr|eidaỽ
P ỽy bynnac a vynno [ yn|y ỻe y gỽelho.
damdỽng yr eidaỽ. val|hynn y mae idaỽ
y damdỽg. Os peth marỽaỽl a|damdỽg; dam+
dyghet a|r ỻaỽ assỽ ar y ỻe y mynno ar y
peth. Os aniueil a|damdỽg; damdyghet a|r
| « p 124 | p 126 » |