NLW MS. Peniarth 32 (Y Llyfr Teg) – page 139
Llyfr Iorwerth
139
kymeint a gỽerth y nyth. Sef a|dyly vot yn|y
nyth; pedwar|kyỽ ar|hugeint. Gỽerth pob vn yscub
heid; neu|dimei. a hynny yny dotwont. Gỽedy
dotwont; keinhaỽc kyfreith. Sef a|dal y|rỽyd or; deudec
keinhaỽc. Iar; keinhaỽc a|dal. Keilyaỽc; dỽy
geinhaỽc a|dal. Pob kyỽ; yscub geirch a dal.
neu ffyrỻig. yny esgynno. Gỽedy hynny; dimei
yny dotwo. neu yny gano. a gỽedy hynny kein+
G Eỻgi brenhin; o|r byd [ haỽc a|dal.
kyfrỽys punt a|dal. O|r byd aghyfrỽys;
chỽeugeint. Yn|y vlỽyd; trugeint. Yn|y gynsỽỻt;
dec ar|hugeint. O|r pan anher. yny agorho y
lygeit; pymthec. Milgi brenhin o|r|byd kyfrỽ+
ys; chỽeugeint. O|r byd aghyfrỽys. trugeint.
Yn|y vlỽyd; dec ar|hugeint. yn|y gynsỽỻt;
pymthec. O|r pan anher yny agoro y lygeit;
seith a|dimei. Colỽyn brenhin. punt a|dal.
Colỽyn gỽr ryd; chweugeint a|dal. Colỽyn
mab eiỻt; pedeir keinhaỽc. vn werth a|e gos+
taỽc tom. Geỻgi uchelỽr; vn werth a milgi
brenhin. Milgi mab uchelỽr. hanhergỽerth y
eỻgi. Py gi bynhac a vo y vab eiỻt; vn ger+
det a|e gostaỽc tom vyd. Pỽy bynhac a|biei+
ffo costaỽc tom; pedeir keinhaỽc vyd y werth.
Bugeilgi a|el y bore ymlaen yr yscrybyl.
ac a|del y nos yn eu|hol; yr eidon telediwaf a|dal.
| « p 138 | p 140 » |