NLW MS. Peniarth 32 (Y Llyfr Teg) – page 167
Llyfr Iorwerth
167
O deruyd. y|dyn kyuodi pysc ac ymlit. ac ar y ymlit
ef mynet y pysc yn rỽyt dyn araỻ; kyfreith a|dyỽ+
eit mae y kyntaf a|e kyuotto bieiuyd. O deruyd. y
dynyon gỽneuthur amot yn hely pyscaỽt.
heb y neiỻ y kyntaf a ladher ymi. heb y ỻaỻ y
diwethaf a|ladher y minneu. ac na ladher na+
myn vn; Kyfreith. a|dyweit panyỽ kyhyded yỽ y·ryg+
thunt. a dylyu y rannu yn deu hanner. O deruyd
dyuot dynyon ỽrth hely pyscaỽt. yr mynnu
rann o|r pyscaỽt; kyfreith. a|e barn udunt. o·ny der+
uyd eu dodi ar wydyn. neu ar vacheu. Os
hynny a deruyd; ny|s dylyant. Teir gorsed
brenhinaỽl yssyd; gorsed arglỽyd. a gorsed
esgob. a gorsed abat. pob vn o·nadunt a dy+
ly gorsed trỽydaỽ. O|deruyd y wr vn onadunt
wneuthur cam y ỽr y ỻaỻ; ny dyly neb onad+
unt atteb namyn yn|y orsed e|hun. O deruyd. y wr
arglỽyd wneuthur cam yng|gorsed escob; ny
dyly vynet o·honei heb wneuthur iaỽn. ac veỻy
gỽr yr escob yng|gorsed yr arglỽyd. ac veỻy gỽr
yr|abat yng|gorsedeu y rei ereiỻ. Ny dyly arglỽyd
o da abat pan vo marỽ namyn y ebediỽ. kanys
y clas a|r canonwyr a|dyly y|da. Pob dadyl o|r
a vo y·rygthunt; ygneit o|r clas a|dyly barnu
udunt. Pob dadyl o|r a vo y·rỽng abat ac ar+
glỽyd; eu kyt·ygneit a|dyly barnu. O deruyd. bot
| « p 166 | p 168 » |