NLW MS. Peniarth 33 – page 161
Llyfr Blegywryd
161
dẏn arall perchen ẏ tir a|geiff
gantaỽ pedeir keinnaỽc kẏurei+
th dros agori daẏar a|r|bỽẏstuil a
dalher ẏndaỽ heuẏt Y|neb a|ỽ+
nel pỽll odyn ar|tir dẏn araỻ
heb ẏ gannat. perchen ẏ tir bieu+
iuẏd ẏr odẏn. A phedeir keinnaỽc
kẏureith o agori daẏar. A thri bu+
hẏn camlỽrỽ ẏ|r brenhin Y neb
a|dẏcco ẏ|rỽẏt ẏ|mẏỽn avon nẏs
pieiffo; traẏan ẏ|pẏsgaỽt a|gariff*
ef. a|r deuparth ẏ|berchen ẏr avon.
N Ẏ cheiff neb penkenedẏlaeth
nac eissedẏn ar·bennic ar tir
na sỽẏd ar vreint tir o bleit mam
kẏn kanhatter ran o tir idaỽ o
bẏd o blaẏt tat a|e dẏlẏho. ~ Tei ̷+
lẏgach eissoes eu kaffel o|dẏn o
bleit mam ẏ rei hẏnnẏ; noc
eu kaffel o estraỽn Ot ẏmrỽẏm
gỽreic ỽrth ỽr heb gẏghor ẏ|che ̷ ̷+
nedẏl. ẏ|plant a enillo o|hỽnnỽ
nẏ chaffant ran o tir ẏ|gan ge+
nedẏl eu mam o gẏureith. O r
| « p 160 | p 162 » |