NLW MS. Peniarth 36A – page 34r
Llyfr Blegywryd
34r
yn vn or dydyeu hynny. darparedic
vyd idaỽ kaffel barn hyt y llall. Ac o ̷+
nys keiff; yn| y dyd arall reit vyd idaỽ
kyffroi dadyl megys o newyd. a thywyll
vyd y dadyl hyt y trydyd naỽuetdyd.
Pỽy bynhac a dechreuho gofyn etiuedy ̷+
aeth trỽy ach naỽuetdyd racuyr. neu
yn naỽuetdyd mei. yn| y trydyd naỽ ̷+
uettyd y dyly kaffel atteb. ar naỽuet+
dyd hỽnnỽ y dyly kaffel barn. Ac os
naỽuetdyd y dechreu. ae ohir am
varn hyt aỽst. kayedic vyd kyfreith
yn| y erbyn hyt naỽuetdyd racuyr.
ac velly or dechreuir. naỽuet* racuyr
ac na chaffo barn o vyỽn y gayaf;
kayedic vyd y gỽanhỽyn yn| y erbyn.
Nyt reit arhos naỽuetdyd am teruynu
tir namyn pan vynho y brenhin
ar gỽyrda; teruynadỽy vyd. ac ny
dylyir arhos naỽuetdyd rỽg dyly ̷+
edaỽc andylyedaỽc a| gynhalyo tir
yn| y erbyn. kyt dangosso dylyedaỽc
| « p 33v | p 34v » |