Breudwd Welsh Prose 1300-1425
Cymraeg

NLW MS. Peniarth 38 – page 52v

Llyfr Blegywryd

52v

neb y|gỽerth y tafaỽt onyt y braỽtỽr e|hunan.
neu y neb a ymỽystlo ac ef. pan rodont eu deu
ỽystyl erbyn yn erbyn yn llaỽ y brenhin am y
vraỽt nyt amgen guystyl a gỽrthỽystyl. ~ ~
Pan dygỽydo braỽtỽr sỽydaỽc llys neu gy+
mhỽt neu gantref y|gỽerth y|tafaỽt. tri|pheth
a|gyll yna yn gyntaf y kyll y|sỽyd. yr eil; y kyll
breint braỽtỽr o eisseu sỽyd. trydyd; gỽerth y
tafaỽt. Y neb a vo braỽdỽr o vreint tir kyt dy+
gỽydo ef y|gỽerth y tafaỽt trỽy y|gamvraỽt; ny
chyll ef eissoes vreint braỽtỽr tra vedo ar y tir.
o|r hỽn y|mae idaỽ vreint barnu. kanys yn|y pe+
th bynhac y|bo breint; yn|yr vn ryỽ hỽnnỽ y byd
priodolder diỽahan. megys y|mae breint a·ny+
anaỽl priodolder corf.  velly breint tir yssyd pri+
odolder. ac velly breint sỽyd yssyd priodolder sỽyd
ỽrth hynny pan ỽahaner braỽtỽr sỽydaỽc a|e ~
sỽyd trỽy gyfreith; velly y gỽehenir a breint y
sỽyd. Yspeit y|dosparth braỽt amrysson rỽg
deu ỽystyl a|roder erbyn yn erbyn yn llaỽ y bren+
hin. pymthec diỽarnaỽt. ac val hyn y dosperthir