Breudwd Welsh Prose 1300-1425
Cymraeg

NLW MS. Peniarth 38 – page 61v

Llyfr Blegywryd

61v

a|tharỽ trefgord. a|baed kenuein. kanys ryd vyd y|tarỽ
o galan mei hyt galan gayaf. tra vo yn keissaỽ gỽar+
thec gỽassaỽt. ac ystalỽyn tra vo yn keissaỽ kessyc gỽ+
ynhed. a|baed tra vo llodigrỽyd ar y|moch. y|bo arnunt
ny diỽygant a|ỽnelont yna. Tri llydyn nyt oes ỽerth
kyfreith arnunt. kny*|hỽch. a|bitheiat. a|charlỽnc. Tri
gỽaet digyfreith yssyd. gỽaet o pen crach. a gỽaet deint
a|gỽaet troen*.  ony|threỽir trỽy lit. Tri than digyfreith
yssyd. os dyt dyn yn|y tir e|hunan. tan godeith o|haner
maỽrth hyt haner ebrill. a|than odyn trefgord. a|than ge+
feil a vo naỽ kam y|ỽrth y|tref. a|tho banadyl neu tyỽarch
ernei. Tri edyn y|dyly y|brenhin eu gỽerth py tu bynhac
y|llader. hebaỽc. a|gỽalch. a|chicuran. perchenaỽc y tir
y llader arnaỽ. a dyly dec a deu|vgeint y gan y|neb a|e
llado. Tri|phryf y|dyly y|brenhin eu gỽerth py tu bynhac
y|llader. llostlydan. a|beleu. a|charlỽnc. kanys oc eu crỽyn
y|gỽneir amarỽyeu* y|dillat y|brenhin Tri|pheth ny at
kyfreith eu damdỽg. blaỽt. a|gỽenyn. ac aryant. kanys
kyffelyb a|geffir vdunt. Tri|phren ryd yn fforest brenhin
pren crib eglỽys. a|phren peleidyr a|elont yn reit y bren+
hin. a|phren elor. Tri|chehyryn canhastyr yssyd. vn yỽ