NLW MS. Peniarth 38 – page 65r
Llyfr Blegywryd
65r
yn llad y llall y|gỽyd bugeil trefgord. tystolyaeth
y|bugeil a|seif yn ỽybydyat am hynny. a|gỽeithret
kytleidyr lleidyr a|grocer. am ledrat tystolyaeth hỽn+
nỽ ar y gytleidyr a|seif. Tystolyaeth gỽybydyeit he+
fyt a|seif am tir. Tri gỽaessaf yssyd ardelỽ. neu
ỽarant. neu amdiffyn heb ỽarant. Tri|chof ỽedy
braỽt yssyd. godef o vraỽtỽr rodi gỽystyl yn erbyn
y vraỽt heb rodi gỽystyl yna y|chadarnhau. a|gỽedy
hynny kynnic y|ỽystyl. ny|dylyir y erbynyaỽ o|gyf+
reith. onyt barn tremyc vyd. neu rodi gỽystyl
yn erbyn braỽt gỽedy y|godef. neu adaỽ ymadra+
ỽd yn ỽallus ar gyfreith a|barn. a gỽedy barn ke ̷+
issaỽ gỽaret y|gỽall; nys dyly. Tri lle y|tyỽys cof
llys am gyfundeb pleideu. ac teruyn dadyl o|r daỽ
kyghaỽs vn yn dyỽedut y|theruynu a|r llall yn ~
dyỽedut na|theruynỽyt. ac am aghyfreith a|ỽn+
el arglỽyd a|e ỽr yn|y lys. Teir tystolyaeth dilis
yssyd. tystolyaeth llys yn dỽyn y chof. a|thystolyaeth
y|gỽybydyeit a gredir pop vn yn|y gyfreith ar ỽa+
han. megys tat rỽg y|deu vab. neu yn lluossaỽc ~ ~
| « p 64v | p 65v » |