NLW MS. Peniarth 45 – page 190
Brut y Brenhinoedd
190
drachefyn y kymryt castell tinda+
gol yn eidaỽ e|hun. Ac Eigyr yn wre+
ic idaỽ. Ac o·dyna y trigassant yg
hyt yn rỽymedic o diruaỽr garyat.
Ac y ganet udunt mab. a merch.
Ac sef oed enỽ y mab arthur. Ac e+
nỽ y uerch oed Anna; ~ ~ ~ ~ ~
AC ym penn yspeit gwedy hynny
y cleuychỽys y brenin. o vrthrỽm
heint a nychdaỽt. Ac gỽedy y uot
yn hir yn|y cleuyt hỽnnỽ. Blinaỽ
a wnaeth y gwyr oed yn cadỽ Octa
ac ossa. a|e hellỽg o|r carchar. a mynet
y gyt ac wynt hyt yn germania. A
pheunyd y deuei chwedleu yr ynys
dywedut eu bot yn paratoi llyghes
y goresgyn. ynys. prydein. Ac ar hynny eisso+
es y doethant wynteu. ac amylder o
niuer gantunt y tir yr alban. A dech+
reu llosgi y gỽladoed a|e hanreithaỽ
ac yna y gorchymynnỽyt y leu uab
kynuarch llu. ynys. prydein. vrth ymlad a|e
gelynyon. Jarll oed hỽnnỽ prouedic
clotuaỽr. AC vrth ueint y clot. y rod+
assei y brenin. anna y uerch yn wreic
idaỽ. A llywodraeth y teyrnas yn|y laỽ
| « p 189 | p 191 » |