NLW MS. Peniarth 45 – page 275
Brut y Brenhinoedd
275
y neb a ladyssei y dewin. A cherdet a oruc Bre+
int hir parth a* ar dinas a elwit exon. A
dyuynu y brytanneit o bob le attaỽ. A chadarn+
hau y dinas yn eu kylch a menegi udunt
mal y lladyssei y dewin. Ac anuon a wna+
eth at Catwallaỽn. y uenegi hynny. Ac
gỽedy honeidyaỽ hynny dros holl. ynys. prydein
Peanda tywyssaỽc mers a doeth a|llu
maỽr gantaỽ o saesson am penn exon lle
yd oed Breint hir ac ymlad ac ef. ~ ~ ~ ~ ~
AC ar hynny y doeth Catwallaỽn. a deng
mil o uarchogyon aruaỽc yn porth
idaỽ o lydaỽ. Ac gỽedy y dyuot lle y gwe+
lei y caer Rannu y uarchogyon yn pe+
deir bydin a oruc. A chyrchu y elynyon. Ac
ar dechreu yr ymlad daly peanda a llad ane+
iryf o|e lu. Ac gỽedy gwelet o peanda nat
oed ford idaỽ amgen. Gỽrhau a|wnaeth y
Catwallaỽn. A mynet y gyt ac ef y ymlad ar
saesson ereill. A dyuynu attu wyrda. ynys.
.prydein. oed ar digrein. A mynet ar torr Etwin
trỽy humyr. Ac anreithaỽ y gỽladoed. A
dyuot a|wnaeth Etwin ac a oed ygyt ac
ef o|r saesson yn erbyn Catwallaỽn. hyt yma+
es Edelflet. A rodi cat ar uaes udunt. A
| « p 274 | p 276 » |