NLW MS. Peniarth 9 – page 15v
Ystoria Carolo Magno: Rhamant Otfel
15v
ant yn kyfnewidyaỽ dyrnodeu. an* yn gluttau
ar ymlad o pob parth. val na|thalei y llurug+
eu udunt dim yn erbyn eu clydyueu yny
yttoed y weirglaỽd yn disgleiraỽ o vodrỽy+
eu y llurygeu. Ac yna y dywaỽt belisent.
llyna ymlad yn drut. vonedigeid y maynt
hỽy yr aỽr hon heb hi. Ac val na dichaỽn
parhau y neppell rac gleỽder a syberwyt y
marchogyon. a da iaỽn y may dỽrndal cle+
dyf rolond yn trychu. eithyr na dyly ef y
Curceus dim. A duỽ heb y brenhin. val
ym tỽyllỽys vy medỽl. ac y gadỽys vyg
callon im dywedut kelwyd. A dygỽydaỽ
yn groes a oruc tu ar dỽyrein a dodi gỽedi+
at yr arglỽyd yn|y* megys hỽn. Duỽ holl gy+
uo ythaỽc heb ef mal yd ỽyt vrenhin a llywy+
aỽdyr holl genedyl gỽyllt a dof. amdiff+
yn un rolond vy nei. Ac ymhoel galon otuel
saracin val yr aruoll vedyd. ac y cretto y|th
vendigeit enỽ ditheu. A chussanu y dayar a
oruc a chyuodi yn|y seuyll. Ac odyna dodi
y ben drỽy ffenestyr a gỽelet y marchogy+
on yn ymlad val kynt heb kymeint gan+
tunt oc eu taryaneu. ac y kudynt eu|dyr+
neu o|r tu racdunt ac ef. Ac yna y dywa+
ỽt rolond ỽrth y pagan ym·ỽrthot heb ef
a mahumet ac a|theruagaỽnt. a chret y
myỽn duỽ holl gyuoythaỽc y gỽr a|diodef+
ỽys poyneu yr yn prynu ninheu o dragy+
| « p 15r | p 16r » |