Breudwd Welsh Prose 1300-1425
Cymraeg

Shrewsbury MS. 11 – page 135

Breuddwyd Pawl

135

nef ac uffern ac am hẏnnẏ ẏd anuones
duỽ vihagel ẏn ẏsprẏt yn|y ulaen a dẏ+
uot a|wnathant ẏ auon uaỽr a gouyn
a wnaeth paỽl ẏ|r aghel pỽẏ oed enỽ yr
auon honno A dẏwetut a oruc yr agh+
el ẏr auon honn a elwir occẏanus ẏn|ẏr
hon ẏ dẏgỽẏdant syr ẏ nef ac ẏ kẏlchẏ+
na ẏr holl daẏar Ac odẏno ẏd aethant
ẏ le aruthẏr ẏn ẏr hỽn nẏt oed namẏn tẏ+
wẏllỽch a thristỽch ac ẏno ẏd oed ẏr auon
ẏn kẏmerwi megẏs tan a thonneu ar
ẏr auon honno a gẏuodẏnt hẏt ẏ nef Sef
ẏỽ enỽ ẏr auon honno colthion ac o hon+
no ẏd amlahant teir auon a elwir ual
hẏnn Semiton Cogiton Granicon ac o+
dẏno ẏd aethant ẏ le arall ẏn|ẏ lle ẏd o+
ed mẏnẏd maỽr ac ar ẏ mẏnẏd ẏd oed
sarff agheuaỽl ẏr hỽn a oed ẏdaỽ can
penn ẏn|ẏ vẏnỽgẏl a mil o danned ym
pob penn megys lleỽ a|e lẏgeit a oẏdẏ+