Cambridge Trinity College MS. O.7.1 – page 40v
Llyfr Blegywryd
40v
mab y dylyedaỽc a geiff datanhud o
gỽbyl py bryt bynhac y del. Odyna or doant
etiuedyon vn rad y gyt ac yn yr
vn amser y ofyn datanhud. megys
brodyr o tir eu tat. neu gefynderỽ
neu gyferderỽ o tir eu tadeu yr hỽn
a gynhelis eu tadeu wers tra gỽers
hyt uarỽ. ny dichaỽn vn o·honunt gỽrth+
lad y gilid nae oedi. namyn pob vn
o·honunt a geiff ran datanhud. Pỽy
bynhac a gymero tir y tat kyn nor
braỽt hynaf. Y braỽt hynaf ae gỽrth ̷+
lad ef o gỽbyl. ac ynteu a geiff datan ̷+
hud o gỽbyl. Ac or byd marỽ yr hynaf
y myỽn y datanhud diran. y vab el+
chỽyl a geiff datanhud cỽbyl yn er+
byn paỽb. Tri ryỽ vreint yssyd;
breint anyanaỽl. A breint sỽyd. A
breint tir. Tri phriodolder yssyd y
pob dyn. ryỽ. a breint ac etiue ̷+
dyaeth. Etiuedyaeth hagen her+
wyd breint. breint herwyd ryỽ.
ryỽ herwyd y gỽahan a uyd rỽg dyn+
nyon herwyd kyfreith. megys y gỽa+
| « p 40r | p 41r » |