Cambridge Trinity College MS. O.7.1 – page 63r
Llyfr Blegywryd
63r
y gossodir reith gỽlat am ledrat. vn
yỽ dyuot y colledic ar managỽr y ̷+
gyt ac ef a tygho yn erbyn arall;
clybot a gỽybot arnaỽ y lledrat. Eil
yỽ tygu or managỽr gỽelet a gỽybot
arnaỽ y lledrat. A hỽnnỽ yỽ lliỽ. Try ̷+
dyd yỽ lludyaỽ rac dyn keissaỽ y da
a gollassei yn|y lle y typpyo y uot. Ny
dyly neb rodi reith gỽlat am ledrat
heb vn or manageu hynny yn|y erbyn
onyt pallu a|wna o lỽ gỽeilyt y golledic.
or palla nyt reit manac arnaỽ na+
myn hynny y gymell reith gỽlat y
gantaỽ. Or gỽedir haỽl a defnydyer
o amryfal achỽysson. trỽy vn reith
a perthyno ỽrth yr achaỽs mỽyhaf
oheni y gỽedir yr haỽl oll. Canys
pob vn haỽl. vn reith a dyly yny gỽat+
ter. Pỽy bynhac or kynhenusson
yn llys a el yn erbyn datgan y braỽ+
dỽr kyn barn. ef a dyly caffel cof
llys y·rydaỽ ac ef kyn barnho dim.
O Tri mod y kedernheir gỽys. o
tyston. a mel aeth a gauael.
| « p 62v | p 63v » |