Breudwd Welsh Prose 1300-1425
Cymraeg

Bodorgan MS. – page 98

Llyfr Cyfnerth

98

y rodi mach. A naỽ y rodi gỽir o|r haỽl deissyfe+
dic. Naỽ nieu yssyd y arglỽyd y ymgoffau
ae lỽ. y Effeirat y mae hyny gaffo amser yn
gyntaf y ganu efferen. Ym pop dadleu y
dyly bot gỽys a haỽl ac atteb a barn a thag+
nefed. Pop adeilỽr maestir a dyly kaffel
tri phren y gan y neb bieiffo y coet n tho
y coetỽr na vynho. nenpren. A dỽy nenforch
Y neb a uo goruodaỽc dros arall. ony eill
y dỽyn ỽrth gyfreith. dygỽydet y goruodaỽc
yg kyfreith y neb yd aeth drostaỽ yn oruo+
daỽc. Oet goruodaỽc y geissaỽ y oruodoga+
eth; vn dyd a blỽydyn. Lleidyr a rother ar
ar* veicheu; ny dylyir y diuetha. Ny dyly
neb wneuth iaỽn nac atteb dros weithret y
gaeth onyt am ledrat. Ny dylyir gỽir ach
chyfreith heb y petwar defnyd hyn. arglỽ+
yd kyfredin. Ac ygnat kadeiraỽc. A dỽy ple+
it gydrychaỽl. Pỽy bynhac a torho kyfar
a wnel o|e vod. talet tri buhyn camlỽrỽ y|r
brenhin. Ac y|r kyfarỽr y·ar oll. Y gỽeirglod+
yeu a fforestir rac y moch pop amser kanys
llygru y tir a wnant. y neb ae kaffo ar y we+
irglaỽd neu ar y yt kyn y vot yn aeduet;