NLW MS. 24029 (Boston 5) – page 125
Llyfr Blegywryd
125
keiff oll. Ẏ|gỽr a|geiff ẏ kic ẏn heli. a
heb heli. a|r caỽs ẏn|heli. a|heb heli. Y
gỽr bieu ẏ kic a|r kaỽs dẏrchauedic
oll. A|r llestreit bỽlch o|r emenẏn. A|r
baccẏneu bẏlchon. a|r caỽs bẏlchon.
A|r wreic a geiff o|r blaỽt kẏmeint ac
a allo ẏ dỽẏn rỽg ẏ|dỽy·laỽ ỽrth benn
ẏ deulin o|r gell ẏ|r|tẏ. Pob vn a|geiff ẏ
wisgoed e|hun. onnẏt ẏ mentẏll a|ren+
nir. O|R gat gỽr ẏ|wreir* ẏn agkẏur+
eithaỽl. A dỽẏn arall attaỽ; ẏ|wreic ỽr+
thot a dẏlẏ trigẏaỽ ẏnn|ẏ thẏ hẏt
ym|pen y|naỽuettẏd. Ac ẏna o|r gollẏ+
gir hi ẏ ỽrth ẏ gỽr ẏn hollaỽl. pob peth
o|r eidi hi a|dẏlẏ mynet ẏn gyntaf o|r|tẏ.
A|hitheu ẏn diwethaf ẏn oll ẏ|holl da
aet o|r|tẏ. Ac odẏna gan dỽẏn ẏ|llall;
ef a|dẏlẏ rodi dilẏstaỽt ẏ|r ỽreic kẏn+
taf. kannẏ dẏlẏ vn gỽr dỽẏ wraged
o gẏureith. Pỽẏ bẏnnac a atto ẏ|wr+
eic. ac a|uo ediuar gantaỽ ẏ gadỽ. A
hitheu wedi rodi* ẏ wr arall; os gordi+
wed ẏ|gỽr kẏntaf a|r neill troet ẏ|m+
ẏỽn ẏ gỽelẏ a|r llall ẏ|maes. ẏ gỽr kẏn+
taf o gẏureith a|e keiff. O|R gỽatta
| « p 124 | p 126 » |