BL Cotton Cleopatra MS. A XIV – page 79r
Llyfr Cyfnerth
79r
gỽr o glauyri. A dryc·anadyl. Ac eisseu
kyt. Tri pheth ny dygir rac gureic kyt
gatter am y cham. Y chowyll. Ae hargyf ̷+
reu. Ae hỽynebwerth. pan gyttyo y gỽr.
a gureic arall. Ony wna morỽyn a| uyn+
ho oe chowyll kyn kyuot y bore y ỽrth
y gỽr. ygkyt y byd y·rydunt. Teir gue ̷+
ith y keiff gureic y hỽynebwerth y gan
y gỽr pan gyttyo ef a gureic arall. Ac os
diodef dros hynny ny cheiff dim. O rod+
ir morỽyn aeduet y ỽr. Ac or dyweit yn+
teu nat oed uorỽyn hi. tyget y uorỽyn ar
y pymhet nat oed wreic. Sef dynyon uy+
dant. hi ae that ae mam. ae braỽt ae whaer.
Tri llỽ a| dyry gureic y ỽr pan enlliper. yn
gyntaf llỽ seith wraged. Ac ar yr eil enllip
llỽ pedeir guraged ar| dec. Ac ar y trydyd en+
llip llỽ deg wraged a deugeint. Ac os god+
ef dros hynny ny cheiff dim. Na rodet
neb wreic y ỽr heb gymryt mach ar y go+
byr yr arglỽyd. Or dygir gureic yn llath+
| « p 78v | p 79v » |