BL Cotton Cleopatra MS. A XIV – page 90r
Llyfr Cyfnerth
90r
yr aryf y llather y dyn a hi. Da a|d·dycker
o| ryuel y hedỽch deu hanher uyd rỽg y
neb ae dycco ar neb bieiuu gynt. Or byd
deu dyn yn ymdeith trỽy goet. Ac ellỽg
gurysgen or blaenhaf ar yr olhaf hyny
gollo y lygat ef a| dyly talu y lygat yr llall.
OEt y·rỽg llys a llan naỽ nieu. y rodi
atteb. A| naỽ nieu y rodi mach. A| naỽ
nieu y rodi guir or haỽl deissyuedic. Haỽl
o vn gantref tri dieu y rodi atteb. A
thri y rodi mach. A thri y rodi guir or
haỽl deissyuedic. Yn| y cantref nessaf;
pump nieu y rodi atteb. A phump y rodi
mach. A phump y rodi guir. Yn| y can ̷+
tref trydyd naỽ nieu y rodi atteb. A naỽ
y rodi mach. A naỽ y rodi guir. Naỽ nieu
y arglỽyd y ymgoffau am y lỽ. Ym pop
dadleu y dyly bot y pump hyn. Guys
a haỽl ac atteb a barn a| thagneued.
Pỽy bynhac a| talho tir y galanas kyl ̷+
llidet drostaỽ yr arglỽyd kanys ryd
| « p 89v | p 90v » |