Breudwd Welsh Prose 1300-1425
Cymraeg

BL Cotton Titus MS. D IX – page 14r

Llyfr Blegywryd

14r

y|milgun. Pob kynnyd gellgun a|geiff
rann deuỽr o gynnydyon y|milgun. Kylch a
geiff y|pennkynyd ar|vilaeineit y|brenhin.
a|r kynnydyon guedy rannont y|crỽyn. a|r
nadolyc y|deuant ygyt y|gymryt eu breint.
ac eu dylyet y|gan y|brenhin o|gyureith.
Y|le a uyd yn|y neuad gyuarỽyneb a|r bren  ̷+
hin. o|vyỽn y|golofyn. a|r kynydyon gan  ̷ ̷+
taỽ. Corneit o|lyn a geiff y|gan y|brenhin.
ac arall y gan y|vrenhines. a|r|trydyd y
gan y|vrenhines distein. neu y|penteulu.
ic* a|chorneit o|lyn yn|y ancỽyn a|geiff. yn|y
lety. ac ef a geiff trayan dirỽy a|chamlỽ+
rỽ. ac ebediỽ. a gobreu. merchet y kynyd+
yon. Gyt a|r brenhin y bydant y kynydyon
o|r nadolyc hyt pan dechreuhont hely ewi  ̷+
got y|gỽanhỽynn. ac yna tra|helyont.
y|caffant gylch ar|vilaeineit y|brenhin. ac
velly yn hydref tra helyont geirỽ. O|r pan
dechreuont hely hyt y|naỽuettyd mei. nyt
attebant y|neb a|e holho onnyt vn o|r sỽyd  ̷+
ogyon vyd. Yr|hebogydyon. a|r|guastraty  ̷ ̷+
on. a|r kynnydyon. kylch a|gaffant ar|vila+
eineit y|brenhin. a|hynny ar wahan. Yr|he  ̷ ̷+
bogyd vn weith tra geisso hebogeu. a|llam+
ystenot. kylch a|geiff. Gobyr y|verch punt.