BL Cotton Titus MS. D IX – page 65v
Llyfr Blegywryd
65v
Pỽy|bynnac a|dechreuo gouyn tir yn vn o|r
dydyeu hynny. darparedic vyd idaỽ caffel
barnn hyt y llall. Onny|s keiff yn|y dyd ar+
all. Reit vyd idaỽ kyffroi dadyl megys
o|newyd. a|thywyll vyd y|dadyl hyt y try+
dyd naỽuettyd. Pỽy|bynnac a|dechreuho
gouyn etiuedyaeth trỽy ach. naỽuettyd
racuyr. neu naỽuettyd mei. y trydyd naỽ+
uettyd y|dyly caffel atteb. ac yn|y|naỽuet+
dyd o|hỽnnỽ y caffel y|dyly barnn. ac os
yn naỽuettyd mei y|dechreuir. a|e ohir am
varnn hyt aỽst. kaedic vyd kyureith
yn|y erbyn hyt yn naỽuettyd racuyr.
ac velly o|r dechreuir yn naỽuettyd rac+
uyr. ac na chaffo ba rnn yn|y gayaf
oll. kayedic vyd y|gỽannhỽyn yn|y erb+
yn. NYt reit arhos naỽuettyd am|ter+
vynv tir. namyn pan vynnho y|brenhin
a|e wyrda teruynnadỽy vyd. ac ny dyly+
ir arhos naỽuettyd yrỽg dylyedaỽc
ac andylyedaỽc. a gynnhalyo tir ynn|y
erbyn. kyt dangosso dylyedaỽc y|dylyet
o|bleit y|r·eeni. trỽy ach ac eturyt. Teir
etiuedyaeth kyureithaỽl yssyd. ac a|tri+
gyant yn dilis y|r etiuedyon. vn yỽ; etiu+
edyaeth trỽy dylyet o|bleit y|r·eeni. Eil
| « p 65r | p 66r » |