BL Cotton Titus MS. D IX – page 7r
Llyfr Blegywryd
7r
teulu yỽ y|ty mỽyhaf ym|perued y|tref.
cannys ynn|y gylch ef y|dyly y|teulu letty+
aỽ. Mal|y|bỽynt baraỽt y|holl negesseu y
brenhin. Yn llety y|pennteulu y|bydant y
bard teulu. a|r medyc lleys. Llety y|distein
a|r sỽydỽyr ygyt ac ef. y|ty nessaf y|r|llys.
kannys ef a|dyly gỽassannaethu y|r llys.
ac edrych ar|y gegin. Llety yr offeirat
a|r|yscolheigyonn yỽ; ty caplan y|tref.
a llety offeirat brenhines ygyt ac wynt.
Llety y|pennkynyd a|r kynnydyon gan ̷ ̷+
taỽ yỽ odynty y brenhin. Llety y|penngỽ ̷+
astraut yỽ y|ty nessaf y yscubaur y|brenhin.
a|r gỽastrodyon ygyt ac ef. kannys ef a ̷
rann ebranneu y|meirch a|e llettyeu.
Llety yr hebogyd yỽ; yscubaỽr y|brenhin.
cany hebkyr o|r mỽc. Llety braỽdỽr llys
yỽ; herỽyd rei ystauell y|brenhin. herỽ+
yd ereill ac yn well y|neuad y|brenhin y
dyly gyscu. a|r gobennyd yd eistedho y
brenhin y|dyd. a|vyd dan y benn ynteu y
nos. Guas ystauell a|morỽyn ystauell. a
gaffant wely ynn|yr ystauell. Llety dryss ̷+
| « p 6v | p 7v » |