Cardiff MS. 1.362 (Hafod 1) – page 28r
Brut y Brenhinoedd
28r
nerth i. beth a dylyaf|i y ti y wneuthur ymlaen
hynny nyt ef dvỽ greaỽdyr nef a dayar a wnel
diodef ohonaf|i gyrcharu kyswallaỽn vy arglỽyd
i. Ac ynteu y gỽneuthur iaỽn y mi am y syraedeu
a wnathoed ym. Ednebyd ti ulkessar nat haỽd llad
kyswallaỽn. A miui yn vyỽ y gỽr nyt kywilyd gen+
yf rodi vy nerth idaỽ ony bydy ti ỽrth vyg kyghor
Ac yna rac ofyn auarỽy arafhau a oruc ulkessar. a
thagnouedu a kyswallaỽn. A chymryt teyrnget o
ynys prydein pop plỽydyn* sef oed meint y teyrn+
get teir|mil o punoed. Ac yna yd aethant ulkessar
a chyswallaỽn yn gytymdeithon. Ac y rodes pop
vn y gilyd rodyon maỽrweirthaỽ* o eur ac aryan
a thlysseu. Ac y bu ulkessar y gayaf hỽnnỽ yn
ynys prydein. A dechreu gỽanỽyn y chychỽynỽys
ef rydaỽ a ffreinc. Ac ym pen yspeit o amser kyn+
nullaỽ llu maỽr a|wnaeth ulkessar. Ac ar llu hỽnnỽ
yd aeth ef parth a rufein yn erbyn pompeis y gỽr
a oed yn lle amheraỽdyr yna y dala yn erbyn ulkes+
sar. A chan ny perthyn ar y deunyd ni traethu
o weithredoed gỽyr rufein. hyny vo hebryuedic
y rei hynny yd amhoelỽn ar yn traethaỽt ny|hu+
nein. Ac ym pen seith ulyned* gỽedy mynet ulkes+
sar o ynys prydein. y bu varỽ kyswallaỽn. Ac y
cladỽyt yg kaer efraỽc gan vrenhinaỽl arỽy+
AC yn ol kyswallaỽn y gỽ +[ lyant
naethpỽyt teuan vab llud yn vrenhin. kans
auarỽy a athoed y rufein y gyt ac ulkessar. A hvn+
nỽ a traethỽys y teyrnas trỽy hedỽch a thagnoued.
| « p 27v | p 28v » |