Cardiff MS. 1.363 (Hafod 2) – page 106v
Brut y Brenhinoedd
106v
pob lle y keyssyav lle adas yr ryw weythret hỽnnỽ
o|r dywed ef a deỽth hyt em mynyd eryry. Ac gwe+
dy kynnỽllaỽ seyry o pob gwlat ef a erchys adey+
lat twr kadarn. A dechreỽ a wnaethant e seyry g+
ossot ac adeylat ew gweyth. a pha peth bynnac a
wnelynt hedyw erbyn e dyd trannoeth ny kydey
ỽn maen y gyt a|e gylyd namyn a lynkey e dayar m+
egys na wypyt pa le er ry ffey ỽn maen eyryoet
onadvnt. Ac gwedy mynegy henny y ortheyrn. ey+
lweyth ef a oỽynnaỽd o|y dewynyon pa peth oed en
llesteryaỽ e gweyth. Ac wynte a archassant ydaỽ
keyssyaw map hep tat ydaỽ a gwedy as kaffey ll+
ad hỽnnỽ. ac a gwaet hỽnnỽ yraỽ e meyn ar kal+
ch ac wynt a dywedynt e savey e gweyth gwedy he+
nny. A hep vn gohyr kennadeỽ a enỽynnỽyt y pob
gwlat y keyssyaỽ e kyfryw dyn hvnnỽ. a gwedy eỽ
dyvot hyt e kaer a elwyt gwedy henny kaer ver+
dyn wynt a welssant ker llav porth e kaer gw+
eyssyon en gwarae a nessav a orỽgant e kenna+
dev a syllv ar e gwarae at e lle ac emwarandav
am e neges ed oedynt en|y cheyssyaỽ. Ac o|r dy+
wed gwedy trewyllyaỽ llawer o|r dyd darỽot a
wnaeth er·rwng deỽ o|r gweyssyon. sef e gelwyt
| « p 106r | p 107r » |