Cardiff MS. 1.363 (Hafod 2) – page 150v
Brut y Brenhinoedd
150v
1
en kyntaf ed aeth ef. namyn en e blaen ach+
2
ỽbeyt eỽ llongheỽ a orỽc rac kaffael onad+
3
ỽnt dyogelỽch neỽ amdyffyn o|r rey henny.
4
Ac gwedy kaffael e llongheỽ o·honaỽ ef a|e ka+
5
darnahaỽd wynt o ỽarchogyon arvaỽc goreỽ
6
oed kanthaỽ rac kaffael o|r ssaysson fford ỽdỽnt.
7
os attadỽnt e mynnynt ffo. Ac en e lle gwedy d+
8
arỽot ydaỽ kadarnhaỽ e llongheỽ e ỽelly. ar v+
9
rys erlyt e gelynyon a orỽc enteỽ kan eỽ llad h+
10
ep trỽgared. ac eylenwy gorchymyn arthỽr a+
11
mdanadỽnt. er rey o deỽ·dyplyc dywalrwyd a
12
kywarsseghyt. Ac wrth henny rey onadvnt o er+
13
grynnedyc kallonnoed a ffoynt yr koedyd. ac yr
14
llwyneỽ. ereyll yr mynyded. ac yr gogoỽeỽ y ke+
15
yssyaỽ espeyt y aghwanegỽ eỽ hoedyl. Ac o|r dyw+
16
ed gwedy nat oed ỽdỽnt nep ryw dyogelỽch.
17
er hynn a dyeghys en ỽrywedyc onadỽnt wynt
18
a ymkỽnnỽllassant hyt en enys thanet. A hyt eno
19
twyssawc kernyw kan eỽ llad a|e hymlynaỽd. Ac
20
ny orffowyssaỽd hyt pan las cheldryc ac|eỽ kymell
21
wynteỽ oll y law. kan rody gwystlon.
22
AC gwedy kadarnhaỽ tangheỽed ar ssaysson
| « p 150r | p 151r » |