Cardiff MS. 1.363 (Hafod 2) – page 165v
Brut y Brenhinoedd
165v
kanhyat y ymkyỽarỽot ac wynt. A llyma
kyvarỽot damvnedyc yr holl brytanyeyt.
llyman darogan sybylla en dyvot en wyr a dy+
waỽt dyvot o kenedyl e brytanyeyt e trydyd
brenyn er|hvnn a keyff amherodraeth rỽueyn.
O|r deỽ neỽ derỽ y elenwy en amlwc megys y dywedeyst
ty er eglvr tewyssogyon. bely a cvstennyn pob vn o+
nadvn a wnant amherodryon en rỽueyn. Ac ar aỽr
hon edym en kaffael e trydyd yr hwnn ed edys yn ada+
ỽ blaynwed rvuennyaỽl anryded. Ac|wrth henny bry+
ssya tytheỽ y kymryt e peth e mae dyw en|y rody.
bryssya y oreskyn e peth e ssyd o|y ỽod en mynnỽ y ores+
kyn. bryssya y en ardyrchvael* ny oll. a hyt pan ard+
yrcheỽeych tytheỽ. ny ochelỽn nynheỽ kymryt gwe+
lyeỽ nac agheỽ o byt reyt. A hyt pan geffych ty henny my+
nhev a|th ketymdeythokaaf ty a deg myl o ỽarchogyon
arỽavc y gyt a my y aghwanegỽ de lw.
AC gwedy tervynỽ o howel y parabal. araỽn ỽap kyn+
ỽarch brenyn prydyn a dywaỽt ỽal hynn. yr pan
dechreỽaỽd ỽy arglwyd y dywedwyt y amadraỽd ny
allaf y traythv o|m taỽaỽt e veynt lewenyd essyd ym me+
dvl ynheỽ. kanys nyt dym genhyf ar ry gwnaetham
| « p 165r | p 166r » |