Cardiff MS. 3.242 (Hafod 16) – page 42
Llythyr Aristotlys at Alecsander: Rheolau Iechyd
42
yr hynn a|dewissom ni a|garỽn. a|r hynn a|geissom a|uedy+
lyỽn amdanaỽ. ac am hynny gỽybydet baỽb y duỽ rodi
gỽybodolyaeth y wyr groec yn ragoraỽl ar neb y adna+
bot pob keluydyt. ac anyan pob peth. Yn|y mod y keidỽ
E philosoffwyr a|r gỽyr doethon [ dyn y jechyt.
a rac·welsant daruot gỽneuthur dyn o bedw+
ar defnyd. a phob un ohonunt yn wrthwyneb y gilyd.
yr hỽnn yssyd reit idaỽ vỽyt a|diaỽt bop amser. ac ony|s
keiff teruynu a|wna. ac o|r kymer gormod neu ry
vychan; gỽanhau a|wna r|korff. a syrthyaỽ myỽn
clefyt. a|heuyt myỽn ỻawer o betheu gỽrthỽynebus.
O|r kymer ynteu vỽyt a|diaỽt yn|gymhedraỽl; cryf+
hau y korff a|wna a chadỽ y iechyt. Heuyt y philosof+
fwyr a|dywedant. pỽy bynnac a|vỽytao neu a yfo mỽy
noc a|dylyo neu lei. neu a|gysco mỽy neu lei. neu
a lauuryo mỽy neu lei. neu a orffỽysso mỽy neu lei
myỽn prytuerthrỽyd neu myỽn kaledi yd ymrodo
yn ormod. Neu r|neb a|aruero o|ollỽng gỽaet a pheidaỽ
ohonaỽ; heb petruster ny dieyngk yn digleuyt. O|r
petheu hynn y traethỽn ni ar vyrder. ac am y peth
a vo goreu y|r defnydyeu hyn. Gỽyr doethon a|dywedassant
pỽy bynnac a ymgattwo rac bỽyta gormod neu yfet
gormod. ac a|gymero kymhedrolder o vỽyt a|diaỽt
megys y kynhatto y anyan; hỽnnỽ a geiff iechyt a
dydyeu hiryon. Sef yỽ hynny hir vuched ac ny dyỽ+
aỽt philosoffwr eiryoet amgen. Chỽant a chary+
at ac erbynyeit urdas bydaỽl y rei hynn yssyd nerth
| « p 41 | p 43 » |