BL Harley MS. 958 – page 23r
Llyfr Blegywryd
23r
fin ẏssẏd vn ẏỽ. na ỽrthepper ẏn an+
amseraỽl ẏr gofẏn. Eẏl ẏỽ amdiffẏn
hẏt nat attepper bẏth ẏr haỽl. Trẏdẏd
amdiffẏn gan atteb mal na choỻer dim ẏr
haỽl. Tri pheth nẏt reit attep ẏ neb o·ho+
nunt. vn ẏỽ peth nẏ bo diebredic ẏn erbẏn
kẏfreith. Eil ẏỽ gỽeithret ẏ gaỻer dangos
ẏ argẏwed o|r gỽneir ac nẏ dangosser.
Trẏdẏd ẏỽ coỻet nẏ ỽẏppo gỽlat o neb rẏỽ
hẏspẏsrỽẏd ẏ|r haỽlỽr ẏ goỻi. Tri rẏỽ die+
brẏt ẏssẏd. vn ẏỽ dỽẏn peth ac nat|atuerer
tra·cheuẏn. Eil ẏỽ adaỽ argẏwed ar dẏn
neu|ar ẏ eidaỽ heb wneuthur iaỽn na hedỽch
ẏmdanaỽ. Trẏdẏd ẏỽ diebret dẏn o|e dẏlẏ+
et dros amser y dalu. O tri mod ẏ kae kẏf+
reith rỽg haỽlỽr ac amdiffẏnnỽr. vn ẏỽ
o|goỻi ẏ amser. A hỽnnỽ a damwinha o la+
wer mod. Eil ẏỽ haỽl heb perchen. Trẏdẏd
ẏỽ teruẏnu ẏ dadẏl kẏn no hẏnnẏ. Tri
theruẏn kẏfreithaỽl ẏssẏd. vn ẏỽ. teruẏn
o gẏfundeb ẏ pleideu. Eil ẏỽ teruẏn gosso+
dedic trỽẏ gẏmrodedwẏr rỽg pleideu. Trẏ+
dẏd ẏỽ teruẏn trỽẏ varn. Teir dadẏl a
dẏlẏant eu iachau ac eu barnu trỽẏ deturẏt
gỽlat ẏn erbẏn haerỻuged. vn ẏỽ dadẏl
am venfic. neu ỽẏstẏl. neu a·uael ẏssẏd vn
| « p 22v | p 23v » |