BL Harley MS. 958 – page 39v
Llyfr Blegywryd
39v
reithaỽl a hi ẏn veichaỽc. o|r dẏd ẏd ẏscar+
hont ẏ kẏfriuir idi amser ẏ vagu ẏr etiued
a vo ẏndi ẏna. kanẏs herwẏd ẏ gẏfreith
hon blỽẏdẏn a hanher ẏ mac ẏ vam ef. A gỽe+
dẏ hẏnnẏ nẏ|s mac ẏ vam dim. Os tỽẏỻuo+
rỽẏn a geffir heb wat. ẏ chrẏs a|torrir tu roc+
di a|thra|e|cheuẏn. Ac odẏna ẏ gỽr a dẏrẏ idi
enderic gwedẏ iraỽ ẏ loscỽrn. Ac o|dichaỽn
hi ẏ atal herwẏd ẏ|loscỽrn kẏmeret ẏn|ẏ he+
gwedẏ. O|r ỻedir gỽr gỽereicaỽc ẏ sarhaet
a telir ẏn gẏntaf. Ac odẏna ẏ werth. traẏan
ẏ sarhaet hagen a geiff ẏ wreic. O|r a merch
brẏẏr gann ỽr ẏn ỻathrut o|e bod pan atter.
Sef uẏd ẏ hegwedi. hwech eidon kẏhẏt eu
kẏrn ac eu hyskẏfarn. Ẏ verch taẏaỽc o|r
kẏfrẏỽ dadẏl tri eidon kẏfoet a rei hẏnnẏ
a telir. Gỽreic gỽr rẏd a dẏchaỽn rodi ẏ man+
teỻ a|e chrẏs. a|e heskitẏeu. a|e phenỻiein. a|e
blaỽt a|e chaỽs a|e hemenẏn a|e ỻaeth heb
kẏghor ẏ gỽr. A benffẏgẏaỽ hoỻ dotrefẏn a
eiỻ. Nẏ dẏrẏ gỽreic taẏaỽc dim heb gan+
hat ẏ gỽr onẏt ẏ penguch. Ac nẏ eiỻ benfy+
gẏaỽ dim onẏt ẏ gogẏr a hẏnnẏ hẏt ẏ
clẏwhe* ẏ galỽ a|e troet ar ẏ throtheu. Gỽre+
ic a geiff ẏ gan tat ẏ mab ẏr ẏ vagu kẏhẏt
| « p 39r | p 40r » |