Oxford Jesus College MS. 119 (The Book of the Anchorite of Llanddewi Brefi) – page 57r
Ystoria Lucidar
57r
drỽc llaỽer o|r yssyd da. yna hagen y gwaha+
na yr engylyonn y|rei da y vrth y rei drỽc.
megys y graỽn y|vrth y|peisỽyn. Ac yna y
gỽehenir yn bedeir grad. Vn o|r rei perffeith
y varnnv ygyt a|duỽ. ar yr rei ereill. Ar+
all o|r rei gỽirion a|wnneir yn iach drỽy y
varnn. Y|trydyd o|r rei ennỽir a|ant yg kyf+
uyrgoll heb varnn. Petỽeryd o|r rei drỽc a
ant yng|kyuyrgoll drỽy varnn. Pỽy ynt yr
rei a|varnnant. Yr ebestyl. Ar merthyri. A
myneich. A gỽerydonn. Pa delw y barnnant
ỽy y rei gỽiryon. Dangos a|wnnant bot oho+
nunt vrth eu dysc. A|e hangkreifft. Ac vrth
hynny teilỽg ynt yr deyrnnas. Pỽy yỽ y|rei
a|vernnir. y|rei a|wnnaethant weithredoed
y|drugared yn|y deduolaf briodas. neu a|bryn+
nassant ev pechodeu o|benyt. Ac alussennev.
vrth hynny y|dyỽedir. Doỽch chỽi y|rei benn+
digedic y teyrnnas vynn tat. i. kannys pann
uu neỽyn arnnaf. chỽi a|rodassaỽch ym vwyt.
Ac velle y|rif ef yr holl weithredoed y|druga+
red. A|dyỽedir hynny o sein geireu. Pann vo
crist yno yn ymdangos yn dyn. Ac wynteu yn
y kyrff yn seuyll. ef a ellir credu y|mae geireu
a uyd yno. A chyt bo amlỽc y baỽp drỽy pa obrỽy
| « p 56v | p 57v » |