Oxford Jesus College MS. 119 (The Book of the Anchorite of Llanddewi Brefi) – page 98r
Buchedd Dewi
98r
idaỽ. Ac amouyn ac ef am anssaỽd maydaỽc sant
y disgybyl. A|maỽr y carei deỽi y|disgybyl. A gỽedy
daruot yr gennat menegi idaỽ ef o gỽbyl ansaỽd
maydaỽc y|disgybyl. galỽ a|oruc scuthyn deỽi at+
taỽ ar neilltu a|datkanu idaỽ y|gennadỽri. A|megys
A*|megys* ar mod y|dyỽedassei yr angel vrth vayda+
ỽc sant. Sef a oruc deỽi yna kynnheỽi a|medylyaỽ
a|dyỽedut diolỽch maỽr y|duỽ a|dyuot racdu yr
vanachloc. A gỽedy eiste paỽb yn|y mod y|dylyynt.
gỽedy daruot y|gras. kyuodi a oruc y|diagon yr hỽn
a|ỽnna a ỽassannaethei ar dauid y|ỽassannaethu ar
bara gỽennỽynic gantaỽ. Sef a oruc scuthyn kyf+
uodi y vynyd a|dyỽedut. tidi heb ef. ny ỽassanaethy
di hediỽ. miui heb·yr scuthyn a|uyd gỽassanaethỽr
hediỽ. Sef a|oruc hỽnnỽ mynet y eisted a synnyaỽ
arnaỽ yn vaỽr. ef a|ỽydyat kared a|oed yn|y|vedỽl.
Ac yna y kymerth deỽi y bara gỽennỽynic a|e rannv
yn teir rann. a|rodi vn y|ast a|oed yn seuyll allann
odieithyr y|drỽs. Ar aỽr y lleỽas yr ast y bara. y bu a*
allmarỽ ac y syrthyaỽd y bleỽ oll yn enkyt y|traỽyt
yr amrant ar y llall. A|thorri y|croen y amdanei a
syrthaỽ y holl perued yr llaỽr. Sef a oruc yr holl vro+
dyr pann ỽelsant hynny synnyaỽ yn vaỽr arnunt.
Ac yna yd anuones deỽi yr eil rann o|r bara y vran
a oed yn gorỽed ar|y|nyth y|myỽn onnen y|ffreutur
| « p 97v | p 98v » |