Oxford Jesus College MS. 20 – page 51r
Saith Doethion Rhufain
51r
y bu reit y|r gỽr diodef y poen a|r dial
a dylyei hi y gael am y drygeu. Ac uelly
y soma dy wreic ditheu am dy vab a
hi yssyd drỽc a chamgelus a|r mab yssyd
ar y iaỽn. Ny dihenydyir ef hediỽ heb
ef. A gwedy bỽyt y dywaỽt y vrenhines.
Mi a ỽn na adaỽd doethon rufein diheny+
dyaỽ y mab hediỽ. Na·do heb ef. Un
funyt y deruyd ytt o gredu udunt am
dy vab ac y daruu gynt y vn o dinas+
wyr rufein am brenn ffrỽythlaỽn briga ̷+
ỽglas a oed annỽyl ganthaỽ. Beth oed
hynny heb yr amheraỽdyr. Ny|s dywedaf
ytt ony rody dy gret ar dihenydyaỽ y
mab auory. Dihenydyir myn vyg|kret.
L lyma y chwedyl heb hi. y ỽr o rufein
yd oed prenn perffrỽyth yn tyfu yn|y
erber a chein* vnyaỽndec yn kyuodi o von
y prenn ac yn kyrchu yr awyr. Ac ot oed
annỽyl gann y gỽr y prenn a|r ffrỽyth
| « p 50v | p 51v » |