Oxford Jesus College MS. 20 – page 55v
Saith Doethion Rhufain
55v
dei gyn gadarnet ruuein o hynny allan
a chynt Ac ny adaỽd chwant eur ac
aryant y|r amheraỽdyr vot ỽrth gyng+
hor y gwyr hynny. Diwreidyaỽ y golo+
fyn a beris ef. a hynny a dyrr y drych.
a drỽc yd aeth ar senedwyr rufein
hynny. Ac yn gyflym dyfot am y
benn a|e daly a|e rỽymaỽ. a chymeỻ
arnaỽ yfet eur brỽt. gann dywedut
ỽrthaỽ val hynn. Eur a chwenycheist.
eur a vynny. Veỻy ny att dy chwant
ditheu y warandaỽ doethon rufein
y rei yss·yd y|th dihiryaỽ ac eureit ba ̷+
rableu y gredu vy|ghyghoreu i. am
dihenydyaỽ dy vab yny wnelont dy
agheu a|th adoet yn dybryt. Myn
vyg|kret heb ef. ny byd byỽ dy·eithyr
hyt auory. A thrannoeth y bore yd
erchis dihenydyaỽ y mab. Ac yna
y kyfodes codo hen gỽr kymhendoeth
| « p 55r | p 56ar » |