Oxford Jesus College MS. 20 – page 59r
Saith Doethion Rhufain
59r
beunoeth. Pa delỽ oed hynny heb yr
amheraỽdyr. Ny|s managaf ony
rody dy gret ar diua y mab auory
ỻyma vyg|cret y|diueir heb ef.
Y d oed brenhin gynt heb hi ar vn
o dinessyd ruuein. ac ef a ossodes
seithwyr y lywyaỽ y dinas. a|r gwyr
a ymrodes y gynnullaỽ eur ac ary+
ant a thlysseu. yny oed gyuoetho·gach
y tlotaf o·nadunt o da kyndrychaỽl
no|r brenhin. a hynny a wnaethant
ỽy o|e kytgyghor val y keffynt ỻad
y brenhin. a rannhu* y vrenhinyaeth
y·rygktunt a hynny o nerth a cheder+
nyt eu da. A pheunoeth y gwelei y
brenhin trỽy y hun peir a seith troet
yn kyuodi o·honaỽ yn vn ffunyt a
chyt bei ffyrydan* kadarn y·danaỽ. a
gwrychyon a deuynt o|r rei hynny am
y lygeit ac a|e dallei dybygei ef. Ac
yna yd anuones ef kennadeu yn ol
| « p 58v | p 59v » |