Oxford Jesus College MS. 20 – page 62v
Saith Doethion Rhufain
62v
wisc amdanat ac. yr a gymero
ef o adnabot arnat ti na at ar+
nat y adnabot ef na|e welet
eiryoet hyt yna. Ac veỻy y
gwnaeth. a thrannoeth yr aeth y he+
ly. a gwedy canu corn ỻad. a daruot
hely. y marchaỽc a odolygaỽd y|r
brenhin dyuot y vỽytta o|e ystaueỻ
ef y dyd hỽnnỽ. a|r brenhin a deuth.
kyntaf dyn a wyl y wreic yn ysta+
ueỻ y marchaỽc. A gofyn idi
a|wnaeth. beth a|wnaei hi yno. a
pha fford y deuth yno. Anaỽd iaỽn
heb·yr hi yỽ ymi vynegi ytti. y gyni+
fer fford amdyfrỽys a ym·deeis o|m
gỽlat hyt yman. ny ỽn inheu lle iaỽ+
nach ymi vot noc yn ystaueỻ y gỽr
mỽyaf a garaf. ac os bỽrỽ kyuedna+
bot yr ỽyt yn ol kyffelybrỽẏd edrych
di pa le y mae y neb yr ỽyt yn|y geis+
syaỽ. ỽrth na weleist|i olỽc arnaf|i ei+
| « p 62r | p 63r » |