Oxford Jesus College MS. 57 – page 142
Llyfr Blegywryd
142
A hynny yỽ deturyt gỽlat gỽedy gỽrtheb. ac ̷
ueỻy y teruynir dadyl am dir.
P an dechreuer kynhen am teruyneu tired
neu trefyd. os y·rỽng tir y ỻys a|thir y
wlat y dechreuir. ỻys a|teruyna. Os y·rỽng tir
eglỽys a|thir y wlat. eglỽys a|teruyna. Os y·rỽng
kyt·etiuedyon breint a teruyna. Os y·rỽng tir
kyuanned a|thir diffeith. kytwarchadỽ* a|der+
uyna. adeil. ac aradỽy yỽ kyuanned. Pan|ter+
uyno ỻys. Maer a|chyngheỻaỽr bieu dangos y
teruyneu drosti. Os eglỽys. bagyl. ac euengyl.
O|r|byd amrysson rỽng deu·dyn un vreint. am
teruyn ac na|wyper gỽir y·ryngthunt. tynget
pob un y deruyn. a|gỽedy hynny ranner y tir
amrysson yn|deu hanner. Pan|teruyno tref
ar araỻ. ny dylyir dỽyn ranntir kỽbyl y·gyt
a|r teruyn. Tri ỻe y rann. kyfreith. a|r|honn dywededic
yỽ|r|gyntaf. Yr eil yỽ. pan ranner eu da rỽng
gỽr a|e wreic o varỽolyaeth y neiỻ ohonunt.
Trydyd yỽ. pan dycker ỻỽdyn neu|beth araỻ y
| « p 141 | p 143 » |