Oxford Jesus College MS. 57 – page 255
Llyfr Blegywryd
255
y|dygỽydo y tir yn|y laỽ y gỽadu. rac y wadu
ohonaỽ ar y yrr. O deruyd bot rei o gene+
dyl mab yn|y wadu. ac ereiỻ yn|y gymryt
gan eu ỻỽ nat yr gobyr nac yr gỽerth y|ma+
ent yn|y gymryt. Jaỽnaf yỽ credu y rei ys+
syd yn|y gymryt. kanys gnottaa eu* gỽadu
mab yr tref y tat. Pob braỽt a|digaỽn gỽa+
du y chỽaer. onyt yn un ỻe. rac rannu da
eu* mam a|e that a hi ny eỻir. ac ueỻy pob
aỻtuut a|eiỻ gỽadu y vraỽt neu y chỽaer
os mynn. o·nyt rac kyfran|da eu mam a|e
tat ac ỽynt. neu rac diuỽynaỽ eu kyfla+
uan. Val hynn y|dylyir kymryt mab y
genedyl. Y dat e|hun a|dichaỽn kymryt y
mab gỽedy as dycko y uam yn gyfreitha+
ỽl gysseuin. Ony byd tat. penkenedyl ar
y seithuet a digaỽn y gymryt. a|sef ual y
kymerir. Kymryt o|r penkenedyl dỽylaỽ y
mab y·rỽng y dỽylaỽ ynteu. a rodi cussan
idaỽ. kanys arỽyd kenedyl yỽ cussan. A gỽe+
dy hynny y rodi o|r penn·kenedyl y mab yn
| « p 254 | p 256 » |