Oxford Jesus College MS. 57 – page 278
Llyfr Blegywryd
278
O deruyd rodi gỽreic y wr. a|thalu y hamo+
byr A|gỽedy hynny y dỽyn hitheu y tat ar+
aỻ. a bot arglỽyd y tat y ducpỽyt hi idaỽ yn myn+
nu amobyr yn|herỽyd y gỽr a ry|digones hi kyn
no|e dyuot ar y|tat newyd yssyd idi. a|hitheu yn
verch o|uer*. ef a|ry gafas y hamobyr hi. ny|s dyly
o dri achaỽs o|r na|dylyir y wreic nam·yn vn am+
obyr. a|r eil achaỽs ỽrth na|ỽrhaỽd hi yr pan doeth
att y tat newyd yssyd idi. a|r|trydyd achaỽs. pa
beth bynnac ry wnel hi yn|y wely·gord y bu gynt yn+
di. na byd haỽl nac araỽl yn|y hol hitheu yn|y we+
lygord araỻ y doeth idi. Ony ry|dalaỽd hitheu y
hamobyr y|r arglỽyd a vu ar y|that gynt. kany bu
gỽbyl y|dywedy ỽrth na|thalỽyt yr amobyr. ac
ỽrth hynny y mae iaỽn kỽplau a|dywedy. a|thalu
yr amobyr y arglỽyd y tat newyd. O|deruyd bot da
ynghyt rỽng ỻawer o dynyon. a|dỽyn hỽnnỽ yn
ỻetrat. a|thebygu o·nadunt dylyu o|bop|un oho+
nunt gyrru ỻetrat a|neiỻtuaỽ gỽat y bop un
am y yrr. ny|s dylyant. namyn gỽneuthur ta+
| « p 277 | p 279 » |