Oxford Jesus College MS. 57 – page 7
Llyfr Blegywryd
7
a|geiff yn diuessur. kanys digaỽn a|dyly. Tri ryỽ
dyn yssyd. brenhin. a|breyr. a bilayn. ac eu haelodeu
aelodeu brenhin ynt. y rei a berthynont ỽrth vre ̷+
inyaỽl vreint. kynny|s peiffont*. ac o·honunt oỻ
brenhinyolaf yỽ yr etlig. kanys ef a leheir yn|y ỻe
y gỽrthtrychir teyrnas o·honaỽ. ỽrth gyfeistydyaỽ
ỻys. Eissyoes o|r pan gymeront tir eu breint a
vyd ỽrth vreint y tir a|gynhalyont. O r pan eis+
tedo brenhin yn|y eistedua. yn|y teir|gỽyl arbennic.
ef a lehaa ar y assỽ neb·un bonhedic a vo breint
idaỽ o etiuedyaeth eisted geyr y laỽ. Y kyngheỻa+
ỽr geyr·ỻaỽ hỽnnỽ. gỽedy ynteu yr hebogyd. ac
ar y deheu y neb a vynno. Odyna eistedent paỽb
ac ymbarchent ual y mynnont. Y troedaỽc a|eis+
ted y·dan draet y brenhin. a|r kanhỽyỻyd rac y
O rr pan|safo y distein yn|y neu +[ vronn.
ad. a dodi naỽd duỽ ar honn y brenhin
a|r vrenhines. a|r gỽyrda ac eu tangnef ar y ỻys
a|e niuer. ac a|dorro y dangnef honno. nyt oes
idaỽ naỽd yn vn ỻe. kanys y naỽd oỻ yn gyffre+
| « p 6 | p 8 » |