NLW MS. Llanstephan 27 (The Red Book of Talgarth) – page 127v
Ystoria Titus
127v
1
vot yn|y gaer rac y kalaned ry ladyssit yndi. a dywedut y+
2
ryngthunt. Pa|beth a|wnaỽn ni. ỻyma ni weithyon yn
3
angeu. kanys dugam ninneu grist y angeu. vfudhaỽn ud+
4
unt a rodỽn udunt agoryadeu y dinas. ac agattoed ỽynt
5
a arbedant ynn. Ac yna y ar y gaer y byryassant yr agory+
6
adeu. a dywedut ỽrth y tywyssogyon. ỻyma y chỽi agoryadeu
7
y dinas. kanys gỽelỽn bot yn gỽlat yn einỽch. Ac yna y kym+
8
erth titus a vaspasian y gaer. a phobyl yr idewon ac eu gỽra+
9
ged ac eu meibyon a daly pilatus a|orugant a govyn idaỽ.
10
Paham heb ỽynt a thydi yn dywyssaỽc yng|gỽlat Judea
11
ac yn gỽybot kyfreitheu nat ofynhaut ti lad mab duỽ. Glan
12
ỽyf|i heb·y pilatus o waet hỽnnỽ. kanys yr Jdewon a|e barn+
13
aỽd ef. ac eu marchogyon a|e croges. ny lyuesseis inneu y
14
oỻỽng ef rac ovyn. Herỽyd pa gyfreith heb ỽynt y berneist
15
di efo. neu pa|delỽ y kerdaỽd y dadyl ef manac ynni. vn o|e
16
disgyblon heb·y pilatus a|e gỽerthaỽd yr dec ar|hugeint o a ̷+
17
ryant. ac yn|y groc y poenet ac y brathỽyt. a|e diỻat a ran+
18
nỽyt yn bedeir rann. Val y gỽnaethant ỽy y grist heb·y
19
titus a uaspasian. ninneu a|e gỽnaỽn amdanunt ỽy. Rei
20
o·nadunt gan eu poeni a|ladyssant a|gwaeỽyr. Ereiỻ y
21
gan rodi gỽin egyr udunt a|dagassant neu a vodyssant.
22
Ereiỻ a|grogassant. Pa beth weith a|wnaỽn ni heb·y uaspa ̷+
23
sian y hynn o wediỻon. val y gỽerthassant ỽy grist yr|dec ar ̷
24
hugeint o aryant heb y titus. val hynny y gỽerthỽn ninneu
25
dec Jdeỽ ar|hugeint yr vn geinyaỽc aryant. ac ual hynny
26
y gỽnaethant. Pa|beth weithyon a|wnaỽn ni heb·y vaspa+
27
sian. Pedeir rann heb·y titus a|orugant ỽy o|e diỻat ef. a
| « p 127r | p 128r » |