NLW MS. 3035 (Mostyn 116) – page 111r
Brut y Brenhinoedd
111r
a| oruc y·gyt ac ychydic o nifer a| fo hyt ym| paris Ac yno
kynuỻaỽ y| wasgaredic bobyl attaỽ a| chadarnhau y
gaer A mynnu elchwyl y| ymlad yn erbyn arthur
A hyt tra yttoed frolho yn mynu Achwanegu y lu
o ganhorthỽy y gymodogyon yn dirybud y| deuth arth+
ur a| e lu a| e warchae ynteu yn| y| dinas. A gỽedy ỻith+
raỽ mis heibaỽ doluryaỽ a oruc frolho o| welet y bobyl
yn abaỻu rac newyn. A| gofyn a oruc y arthur a vynei
eu dyuot eỻ deu y ymlad A| r hỽn a| orffei onadunt
kymerhei gyfoeth y| ỻaỻ heb lad neb o| r deu lu Sef
achaỽs y| kynigyei ef hyny. gỽr maỽr hydỽf oed frolho
ac anueitraỽl y| leỽder a| e gedernit Ac o| achaỽs ym+
diret yn| y nerthoed yd archei ef y arthur dyuot yn neiỻ+
tuedic y ymlad ac ef o tebygu gaffel ford iechyt o
hyny a| ỻawen vu arthur ỽrth y| genatỽri hono Ac yn| y
ỻe anuon at froỻo y| dywedut y vot ef yn baraỽt y
wneuthur yr amot hỽnỽ ac ef a| e gadỽ. ~ ~
A gỽedy kadarnhau yr amot hỽnỽ o| pop parth vynt
eỻ| deu a deuthant hyt y|myỽn ynys o·dieithyr
y| dinas A| r pobloed o| pop parth yn aros y| syỻu
py damwein a| darffei yrydunt. Ac yno y| deuthant yn
hard wedus gyweir ar deu varch enryfed y| meint a| e
buanet hyt nat oed paraỽt y| neb adnabot y pỽy y delei
y vudugolyaeth onadunt. A gỽedy sefyỻ onadunt
a| drychafel eu harỽydon o| pop parth A| dangos yr yspar+
duneu y| r meirych a orugant a gossot o| pop vn ar y gi+
lyd y dyrnodeu mỽyaf a eỻynt Ac eissoes kywreinach
yd arwedỽys arthur y leif gan ochel dyrnaỽt froỻo ~
arthur a| e gỽant ym|phen y vron. Ac yn herwyd y nerth
ef a| e byryaỽd hyt y| dayar ac yn| y| ỻe noethi y gledyf
| « p 110v | p 111v » |