NLW MS. 3036 (Mostyn 117) – page 85
Brut y Brenhinoedd
85
nus y vrenhinyaeth trỽy nerth y brytanyeit.
AC yn yr amser hỽnnỽ yd oed guas ieuanc clot+
uaỽr yn ynys prydein. Sef oed y enỽ karaỽn.
Ac ny hanoed o vrenhined namyn o lin issel. Ac eis+
soes guedy caffel clot o·honaỽ yn llawer o ymladeu
o|e deỽred a|e fynyant. kychwyn parth a rufein a
oruc y|geissaỽ canhat y|gan sened rufein y warch+
adỽ o·honaỽ ef ar logeu aruortir ynys prydein rac
estraỽn genedyl. Ac adaỽ o da udunt am hynny
digaỽn pei kenhettit idaỽ brenhinyaeth ynys pry+
dein. A guedy tỽyllaỽ o·honaỽ sened rufein trỽy
y|ryỽ edewityon tỽyllodrus hynny. A chaffel o·hon+
aỽ ynteu ganhyat yr hyn yd oed yn|y geissaỽ. Ac
ymchoelut a|wnaeth parth ac ynys prydein a|e
negesseu gantaỽ trỽy gedernyt lythyreu* agoret.
Ac inseileileu* sened rufein ỽrthunt. A guedy y|dy+
uot ynys prydein. kynnullaỽ amhylder o logeu
a oruc a galỽ attaỽ holl ieuenctit ynys prydein.
A chychwyn y|r traetheu a guneuthur kynhỽrỽf
maỽr yn|y holl teruyneu. Ac ygyt a hynny dỽyn
kyrcheu mynych y|r ynyssed yn|y gylch. Ac eu han+
reithaỽ ac eu llosci. A distryỽ eu kestyll. A llad eu
tir diwhyllodron. A thra yttoed velly. paỽb o|r crib+
deilwyr ereill a|gyrchei attaỽ y ỽrhau idaỽ. Ac ar pen
yspeit vechan kymeint oed y|niuer ac nat oed haỽd
y vn tywyssaỽc ym·erbyn ac ef na gỽrthỽynebu
idaỽ. Ac ỽrth hynny sef a|wnaeth karaỽn ymdrych+
auel
| « p 84 | p 86 » |