NLW MS. Peniarth 11 – page 132v
Ystoriau Saint Greal
132v
y|r ỻawr a|wnaethant a chyvarch gỽeỻ y walchmei a|orugant.
a|bot yn ỻawen ỽrthaỽ pan wybuant panyỽ efo oed. Pan vu
baraỽt eu|bỽyt y vỽyta yd|aethant. ac|ual y|bydant yn|bỽyta
nachaf y gỽas yn|dyuot ac yn gostỽng ar dal y|deulin geir
bronn y wreic wedỽ. ac yn|dywedut daruot idaỽ gỽplau y ne+
ges. a|r wreic a ovynnaỽd pa ryỽ chwedleu oed ganthaỽ. ~
Arglwydes heb ynteu. avory y byd kynnuỻeitua o varcho+
gyon urdolyon yng|glynn camalot. a|thỽrneimant a vyn+
nant yno. Ac yno y|deuant y deu wr yssyd yn ryuelu arnat
ti. a marchogyon urdolyon ereiỻ gyt ac ỽynt. y rei a|vuant
deu di. ac y|r goreu a|vo yn|y tỽrneimant hỽnnỽ drỽy gytsyn+
nedigaeth y kyffredin y rodir idaỽ geitwadaeth y casteỻ hỽnn
hyt ym|penn vndyd a blỽydyn. ac y|th|dyrrir ditheu ymeith.
Yna y wreic a|wylaỽd. Arglỽyd heb hi ỽrth walchmei ti a glyỽy
nat meu i|dim o|r|kasteỻ hỽnn. Myn|vyng|kret heb·y gỽalchmei
eu|bot yn gỽneuthur pechaỽt a mileindra maỽr a|thi. Gwedy
daruot bỽyta a|dyrchafael ỻieineu. y uorwyn ieuanc a gy+
uodes y vyny ac a|dygỽydaỽd ar dal y deulin geyr bronn gỽ+
alchmei. ac ydan wylaỽ hi a|erchis idaỽ yr duỽ dosturyaỽ ỽrthi.
Myn vyng|cret heb·y gỽalchmei neur|daruu ymi hynny yr
meittin. Wrth hynny heb hitheu ef a|weler a·vory pa|ryỽ
varchaỽc vydy di. a ỻyna vilwryaeth da yỽ yr honn a|wneler
yr duỽ. Y wreic a|r verch a gyuodassant y vyny. ac a|aethant
o|e hystant*. a|gỽalchmei a|aeth y gysgu y·gyt a|r|pump march+
aỽc. Gỽalchmei a|vu y nos honno yn|ỻaỽn o|vedylyeu. A
thrannoeth pan gyuodes ef a|aeth y warandaỽ offeren. a|gỽedy
| « p 132r | p 133r » |