NLW MS. Peniarth 11 – page 141r
Ystoriau Saint Greal
141r
gamryuic. ny wydem ninneu pa vn oed ef. kanys taryan
o|sinopyl oed idaỽ ef a|bogel o eur yndi. Gwir a dywedy di heb
yr arglỽydes. vyng|kamryuic i vu hynny. a mi a atwaen be+
ỻach y goỻi ef o|m balchder i. mi a|rodaf yn|diofryt y duỽ na ch+
ỽsc yma weithyon vn marchaỽc urdaỽl ny ovynnỽyf idaỽ y
henỽ. kanys hỽnn a goỻeis i vyth. a mi a debygaf goỻi o·ho+
naf y|ỻeiỻ o|e achaỽs ynteu ~
A R hynny y peidywyt ac ymlit gỽalchmei. ac ynteu a
aeth ymeith dan wediaỽ duỽ ar y danuon y lys brenhin
peleur. a megys y bydei ef ueỻy ef a glywei lef bitheiat yn
galỽ ar y ol. ac o|r diwed yn|dyuot hyt attaỽ. a Megys yr oed
yn|dyuot attaỽ ef a|welei y ki yn roi y duryn y|r ỻaỽr. ac yn
kael gỽaet. ac yn ymlit y gỽaet ar hyt fford lysseulet. A
phan weles y ki walchmei yn|gadaỽ ol y gỽaet. y ki a ymlit+
yaỽd dan alỽ yny doeth att walchmei. a pheidyaỽ ac ymlit.
Ac yna gỽalchmei a|ymlidyaỽd y ki yn·y doeth y perued y
fforest. ac yno ef a|welei ty yn ymyl ỻynn. ac ef a|gerdaỽd
yn ol y ki. ac y|r bont a|oed ar y dwvyr. Y|r neuad y doeth ef
a|r bitheiat yna a|beidyaỽd ac ymlit ac a galỽ. Yna gỽalch+
mei a|arganvu ym|perued y neuad marchaỽc urdaỽl yn
varỽ. yr hỽnn a|daroed y daraỽ a gỽaeỽ trỽy berued y gorff.
ac odyna ef a|welei vorwyn ieuanc yn dyuot o ystaueỻ ac
amdo genthi. A vnbennes heb·y gỽalchmei duỽ a|rỽyd+
hao ragot. a|r vnbennes a|oed yn wylaỽ a|dywaỽt nat
attebei hi idaỽ ef yny wypei paham. a|hi a|debygassei yd
agorassei gỽeli y marchaỽc o|e|dyuotyat ef y myỽn. ac nyt
| « p 140v | p 141v » |