NLW MS. Peniarth 11 – page 153v
Ystoriau Saint Greal
153v
y* milỽr da y bỽrit ỽyntỽy ymeith o|r gadeir. ac yd oed yno y|my+
ỽn ryỽ dynyon yn gỽeidi am dyuotyat y milỽr hỽnnỽ. Gỽir
yỽ heb yr offeiryat. ti a wdost mae o achaỽs yr|aual a vỽyttaa+
ỽd adaf yr|aethant y uffern y rei drỽc. ac am hynny y doeth
duỽ yn vilỽr da y|r byt ac a|duc y gedymdeithyon o uffern aỻ+
an a|hynny drỽy y nerth a|e gedernit. ac am|hynny y|mae
Josep yn y gyffelybu y uffern. a phan|del y milỽr da hỽnnỽ
ef a|e gyr ỽynt aỻan oỻ. Y·gyt a hynny yd ys yma yn kyffe+
lybu y meudỽy du. y luciffer yr hỽnn yssyd arglỽyd ar uff+
ern. yn gyn|hyttret ac y mynassei y vot ym|paradwys. Ar+
glỽyd heb·y gỽalchmei ryued yỽ gennyf am y vorwyn yr
honn oed yn voel heb vn blewyn ar y phenn. ac a|dywaỽt
na|chaffei y gỽaỻt vyth yny del y marchaỽc a|eniỻo y greal.
Gỽir yỽ heb yr offeiryat. ac ueỻy y mae yr ys teir blyned.
kanys yna heuyt y digỽydaỽd brenhin peleur yn|y glefyt.
am na|wnaeth y marchaỽc y govyn ual y dylyassei. Y vor ̷+
wyn honno a|gyffelybir y|r dynghetuen herwyd ual y syn+
hwyra iosep yni. a|r dynghetuen heuyt gynt a vu uoel ~
kynn diodef o grist. ac heb waỻt heuyt yny diodefaỽd crist
A|phan|brynaỽd ef y bobyl drỽy odef angheu. y gadeir yssyd
gyt a hi a|arwydockaa rot y dynghetuen ar yr|honn y ker+
da hi y byt. Y daryan a|duc hitheu y lys arthur a|r groes
goch yndi a|arỽydockaa. y groc yr honn ny lyfassaỽd neb
y chymryt onyt duỽ e|hun. Gỽalchmei a|gigleu yr yspo+
nyat hỽnnỽ ac a|vedylyaỽd na lyfassei neb ynteu gymryt
y daryan a|adawssit yn|y ỻys yny delei vn weỻ no neb.
| « p 153r | p 154r » |