NLW MS. Peniarth 11 – page 77r
Ystoriau Saint Greal
77r
ynteu a uarchockaaỽd ymeith o|r tỽrneimant yny doeth y
nos honno hyt nat oed y·ryngthaỽ a fforest celibe m
namyn dỽy viỻtir. A|r nos honno ef a|lettyaỽd myỽn ty
meudỽy yr hỽnn a|vu lawen ỽrthaỽ. Ac yna peri ystablu
y varch a|e diarchenu ynteu a|oruc y meudwy. A|gỽedy dar+
uot hynny y vỽyta yd aethant y ryỽ ansaỽd a|oed yn|y ty
yr hỽnn a|gymerth ef yn|ỻawen. ac ar ol hynny y gysgu
yd aethant. A gỽedy eu mynet y gysgu ef a|doeth y drỽs
morwyn ieuanc yr honn a|elwis ar galaath. yny doeth y
meudwy attei. a govyn idi pa amser oed hỽnnỽ idi y dyfot
y wthyaỽ drysseu. Arglỽyd heb hitheu mi a|vynnỽn gael
ymdidan a|r marchaỽc urdaỽl y myỽn kanys anghenreit
oed ym. Ac yna y meudỽy a|deffroes galaath. ac a|dywaỽt
ỽrthaỽ. arglỽyd heb ef y mae morwyn ieuanc yna ỽrth y drỽs
a|vynnei ymdidan a thi. ac yssyd reit idi ỽrthyt. Ac yna
galaath a|gyfodes y vyny ac a|ovynnaỽd ˄idi beth a geissyei ~
Galaath heb hitheu kymer dy arueu ac esgyn ar dy varch
a|dabre gyt a|mi. ac yn wir mi a|dangossaf ytti yr antur teckaf
o|r a|weles marchaỽc urdaỽl eiryoet. Galaath yna a|gymerth
y arueu ac a|esgynnaỽd ar y varch. a thrỽy gennat y meu+
dỽy ef a|aeth racdaỽ. ac a|erchis y|r vorwyn gerdet o|r blaen.
a|hynny a|oruc hitheu. ac ynteu yn|y hol hi. Ac ueỻy y ker+
dassant yny doeth dyd arnunt. Ac yna ỽynt a|doethant y fforest
a|honno a|barhaaỽd udunt hyt y mor. honno a|elwit celibe.
Ac ueỻy y marchocaassant y|fford vaỽr yn hyt y|dyt heb ga+
el na|bỽyt na|diaỽt. a|phryt naỽn gosberaỽl ỽynt a|doethant
| « p 76v | p 77v » |