NLW MS. Peniarth 190 – page 102
Ystoria Lucidar
102
angheu anyanaỽl megys angheu yr hen dyn+
yon. discipulus O|r madeuir pechodeu yn|y bedyd. ac
angheu yn boen am bechaỽt. paham y daỽ
angheu y|r etholedigyon wedy caffont vedyd.
Magister|Mal y bo mỽy eu gobrỽy o odef angheu yr
duỽ. peth araỻ heuyt yỽ. o·ny delei angheu y
bop dyn o|r a vedydyit. paỽb a|dyfvryssyei y
gymryt bedyd o|r achaỽs hỽnnỽ ac nyt yr
duỽ. ac nyt ymchoelei neb ueỻy y|r deyrnas.
a duỽ a|uadeuaỽd y pechodeu yn|y bedyd. ac ny
madeuaỽd ef boeneu pechaỽt. megys y ker+
dynt y rei gỽirion drỽy ffyd a|ỻauur da yn+
y lyngkynt angheu y gan y vuched. discipulus A ua+
deuir pechodeu y rei an·volyedic yn|y bedyd.
Magister|Madeuir namyn gỽedy hynny y syrthyont
ỽynt a ymoblygant yn|y rei a uadeuit ud+
unt gynt. Megys y dywedir. Pob pechaỽt
ar ny|s adefeist ti. ac yn ol hynny y dyweit.
Ef a|e rodes yn|y poeneu yny dalei y hoỻ
dylyet. discipulus Paham y gat duỽ udunt ỽy gaffel
bedyd a rinwedeu ereiỻ. ac ynteu yn gỽybot
y diffygyant ỽy o hynny. Magister|O achaỽs yr etho+
| « p 101 | p 103 » |