NLW MS. Peniarth 190 – page 153
Ystoria Lucidar
153
ac a|wnaethost di dy hun a wybydant ỽy. na+
myn a|dywedeist ac a|uedylyeist na thi nac
araỻ. nac yn|da nac yn|drỽc y bo ỽynt a|e
gỽybydant yn|deaỻus. discipulus Beth yna a|dal kyf+
fes ac ediuarỽch o·ny dileir y pechaỽt. neu
os y seint a wybydant yn gỽeithredoed dy+
bryt ni. y rei a|vydei ỽrthmun gennym n*
eu medylyaỽ. Magister Beth a|aryneigy di neu
beth a ovynhey. ae ovyn yssyd arnat ti dy
gythrudyaỽ yno am|dy|weithredoed. o|r pecho+
deu dybryttaf a thruanaf o|r a|wnaethost di
eiryoet ac a|gyffesseist ac a olchet drỽy benyt
ny byd mỽy dy gewilyd di o|r rei hynny yno
no phei datkanei dyn ytt a wnaethost yn|dy
grut. ac ny byd mỽy dy gewilyd yno no phei
caffut gỽelioed gynt y|myỽn brỽydyr a|dar+
uot dy wneuthur yn iach o·honunt. a|ỻy+
na ytti beth yỽ madeu pechodeu neu dileu
na phoener amdanunt. kanys ỽynt a
uadeuir drỽy benyt a chyffes. ac a|dileir
o gyt·wybot duỽ a|r seint. discipulus Mi a vynnỽn
broui hynny drỽy angreifft. Magister Pony wdost
| « p 152 | p 154 » |