NLW MS. Peniarth 190 – page 169
Ymborth yr Enaid
169
garyatchwant trahaus ỽrth vaỽrhau pri+
aỽt berson. drỽy wydyus valchder medỽl
y dremygu a vo is. ac anodef a vo vch.
a mynnu gostỽng y gyfuch a bot yn ar+
glỽyd arnaỽ. vn geingk ar|bymthec yssyd
y valchder. nyt amgen. ymchwydaỽ. bocsa+
chu. ymdyrchauel. an·ostỽng. dutannya*+
eth. ymwychau. kynhennu. anodef. an+
vuyddaỽt. tremyc. rac·ymgymryt. keỻw+
eir. geu gredyf. traỻauaryaeth. tra·achub
clot orwac. Ymchwydaỽ yỽ. ym·wrthlad yn
dremygus ac awdurdaỽt neu orchymyn+
neu prelatyeit. neu henafyeit. Bocsachu
yỽ. ymwneuthur o|dyn yn eidaỽ y peth nyt
ydiỽ. Ymdyrchafel neu anaduỽynder yỽ
ymmragori ar eireu. neu weithretoed neu
wisgoed rac ereiỻ gan eu tremygu. An·os+
tỽng yỽ. an·ymchoel medỽl ar|drutanny+
aeth y darostỽng y weỻ. neu bennach noc
ef. Drutannyaeth yỽ. hirdrigyat medỽl
ar|drỽc. Ymwychaỽ yỽ. na|odefer neb yn vch.
| « p 168 | p 170 » |