NLW MS. Peniarth 190 – page 192
Ymborth yr Enaid
192
pob ryỽ·beth y mae. Ac ygyt ac ef y mae
pechaỽt. Kanys vn·ryỽ yỽ pechaỽt a|dim.
Ac am hynny y coỻir y pechaduryeit.
trigyedigyon vyth yn|eu pechodeu gyt
a dim. o achaỽs ym·adaỽ o·honunt a|r hynn
yssyd bop peth. drỽy dodi eu hynuytserch
ar dim ac ym·gyssyỻtu ac ef. ac veỻy
megys y kyssyỻta yr ynvytserch amser+
aỽl a|dim neu bechaỽt y serchaỽl a dim.
veỻy y kyssyỻta annỽylserch tragywyd+
aỽl beth serchaỽl a dim. yr hỽnn yssyd
bop ryỽ·beth yn dragywydaỽl. Ac veỻy
drỽy yr annỽylserch garyat hỽnnỽ a del
o|wrychyon yr yspryt glan. yr|hỽnn yssyd
annỽylserch garyat y tat ar y|mab. a|r
mab ar y tat y kyssyỻdir creadur
dyn a|e greaỽdyr duỽ hoỻgyuoethaỽc.
ac ueỻy y teruyna yr eil rann o|r ỻyuyr
hỽnn. nyt amgen noc o dwywaỽl gary+
T Raether beỻach am y dryded [ at
rann. nyt amgen. am berleỽyc+
uaeu
| « p 191 | p 193 » |